Tivo lugar no Centro Comarcal da Ulloa, en Palas de Rei, a presentación da exposición MANUEL RODRÍGUEZ LÓPEZ 2.0, unha nova edición da mostra sobre a vida e obra do escritor de Paradela, cun novo deseño gráfico, contidos actualizados e reestruturados, e un acceso inmediato a contidos multimedia adicionais a través de códigos QR.

Foi presentada no Concello de Portomarín a mostra itinerante "PARADELA, SENDA INFINITA", que co gallo da celebración do bicentenario do Concello de Paradela, repasa a historia do mesmo ao longo de 16 paneis. A mostra conta co patrocinio do Concello de Paradela, a Xunta de Galicia, Abanca e Endesa, e este ano está a percorrer os concellos do Camiño Francés na nosa comunidade.

Participaron na presentación José Manuel Mato, alcalde de Paradela; Pablo Rivas, alcalde de Portomarín; e Xulio Xiz, presidente do Colectivo Egeria.

O proxecto do Colectivo Egeria "Máis aló do Camiño", que recompila as súas dúas mostras itinerantes sobre o Camiño de Santiago, "O fin do Camiño" e "No Camiño", chega a Ferrol, onde as exposicións foron inauguradas na Concatedral de San Xulián e no Ateneo Ferrolán, respectivamente.

O Fin do Camiño, na Concatedral de San Xulián

Foi inaugurada no Concello de Monterroso a mostra itinerante "NO CAMIÑO", que co subtítulo "As imaxes que viron os peregrinos" recompila imaxes antigas dos Camiños de Santiago ao seu paso pola provincia de Lugo, ademais de textos literarios relacionados con eses anacos da historia do Camiño, hoxe perdidos na súa maior parte. A mostra conta co patrocinio da Xunta de Galicia, a través da Axencia de Turismo de Galicia, e actualmente está a percorrer os Camiños de Santiago por toda Galicia.