O Colectivo Egeria segue adiante co seu novo proxecto "Máis aló do Camiño", que recompila as súas dúas mostras itinerantes sobre o Camiño de Santiago: "O fin do Camiño" e "No Camiño". Estas dúas exposicións foron inauguradas o venres 22 de xullo nas bibliotecas de Pontevedra e A Coruña, respectivamente.

O Fin do Camiño, en Pontevedra

Celebra Paradela o bicentenario como Concello, con retraso porque o Covid o aprazou, acaendo ben neste Xacobeo prolongado por ser Paradela fito no Camiño Francés, e por iso erixiu a estatua obra de Cándido Pazos, dun Cabaleiro de Santiago, Orde defensora do Camiño e dos peregrinos, que naceu no antigo mosteiro paradelense de Loio.

O 22 de maio de 1912 naceu no Cordón, de Santa Locaia (Castro de Rei) Francisco Vega Ceide, Francisco de Fientosa, considerado polos devotos da súa obra como “O Lorca galego”. Morreu de xeito alevoso no Madrid de 1936, con vinte e catro anos de idade, cando xa era autor dunha obra narrativa e poética, especialmente en castelán, que o elevou a categoría dos grandes da escrita.

Tivo lugar na Casa do Concello de Rábade a presentación da exposición MANUEL RODRÍGUEZ LÓPEZ, sobre a vida e obra do escritor de Paradela. Ademais, presentouse o libro "Manuel Rodríguez López, 25 anos despois", que recolle traballos de 50 personaxes destacados da cultura galega sobre a figura de Manolo Rodríguez. No acto participaron a concelleira de Cultura de Rábade, Mª José De Arriba; a viúva do escritor, Irene López; seu fillo, Santiago Rodríguez, e o presidente del Colectivo Egeria, Xulio Xiz.