A Biblioteca Pública da Coruña Miguel González Garcés acoulleu hoxe a presentación da exposición A BANDA DE PARADELA CUMPRE 150 ANOS, que organiza Egeria en colaboración coa Banda de Paradela e co patrocinio do Concello de Paradela e da Xunta de Galicia, e que estivo aberta anteriormente na Casa do Concello de Paradela e na Biblioteca Provincial de Lugo.

A Biblioteca Pública Nós, de Ourense, acolle durante a segunda quincena de marzo a exposición OS MARAGATOS DA PORTA DE SAN PEDRO, que organizan o Colectivo Egeria e a Fundación Pérez-Carro, e que estivo aberta anteriormente nas bibliotecas de A Coruña, Santiago de Compostela e Pontevedra.

Este venres día 14, no salón Muralla da Delegación Territorial da Xunta de Galicia, foi presentado aos medios informativos o libro LUGOPOÉTICA 2024, que recolle os contidos dos Encontros poéticos organizados por Egeria, celebrados na U.N.E.D., coa colaboración da Xunta de Galicia. Participaron a Directora da UNED Lugo, Ana Traseira; o Delegado Territorial, Javier Arias; o Secretario Xeral da Lingua, Valentín Arias e o coordinador dos Encontros, Xulio Xiz.

Esta mañá foi inaugurada na Biblioteca Pública da Coruña Miguel González Garcés a exposición OS MARAGATOS DA PORTA DE SAN PEDRO, que organizan o Colectivo Egeria e a Fundación Pérez-Carro, e que estivo aberta anteriormente na Biblioteca Provincial de Lugo e na Biblioteca Ánxel Casal de Santiago de Compostela.