O pasado martes 7 de xaneiro chegou á Basílica de San Martiño de Mondoñedo (Concello de Foz, Lugo) a exposición "800 anos da Catedral de Mondoñedo", unha mostra itinerante que consta de 12 paneis en galego e castelán, impulsada pola diocese de Mondoñedo-Ferrol, patrocinada pola Xunta de Galicia, e realizada polo Colectivo Egeria. Dirixida por Pedro Díaz Fernández, Ramón Otero Couso e Félix Villares Mouteira, está previsto que nos próximos meses percorra diversos lugares dentro da diocese.

Vense de inaugurar na Casa de Cultura de Castro de Ribeiras de Lea, a exposición IMAXES DO NADAL, promovida polo Centro cultural José Domínguez Guizán de Begonte, coa colaboración de Fonmiñá e o Colectivo Egeria.

Son corenta fotografías de nove  fotógrafos lucenses, membros de Fonmiñá: EDUARDO OCHOA, MIGUEL CALVO, FERNANDO GAGO, MIGUEL FRAGA, XOSÉ MANUEL OTERO, TOÑI FERNÁNDEZ ÓNEGA, JOSÉ MANUEL GUISASOLA, G.L.MENDEZ e HIXINIO FLORES. Esta coordinada polo responsable de Fotografía de Fonmiñá, Eduardo Rodríguez Ochoa.

Foi presentado no Belén de Begonte (Lugo) o proxecto-homenaxe "OS NOVE ANOS DE FRAGUAS EN LUGO". Ao acto asistiron o presidente do Centro Cultural José Domínguez Guizán, Jesús Domínguez, o alcalde de Begonte, José Ulla, e o presidente do Colectivo Egeria, Xulio Xiz.

Foi inaugurada no Museo da Semana Santa de Ferrol a exposición "350 ANOS DA OFRENDA DO ANTIGO REINO DE GALICIA A XESÚS SACRAMENTADO NA CATEDRAL DE LUGO", con motivo de cumprirse neste 2019 os trescentos cincuenta anos do inicio do proceso que xerou a Ofrenda anual que seguen facendo en Lugo cada infraoitava do Corpus as cidades da Coruña, Lugo, Ourense, Mondoñedo, Betanzos, Santiago e Tui, capitais do Antigo Reino de Galicia.