A exposición 'Do lucense Fraguas ao lucense Carballo Calero' abre a semana cultural que o colectivo Egeria e a Xunta de Galicia dedican en Lugo ao autor homenaxeado este ano no Día das Letras Galegas. Compleméntase cunha exposición na Biblioteca Pública Provincial e a presentación, o xoves, dun libro con lembranzas do paso do escritor polo colexio de Fingoi, todo elo baixo o paraugas do proxecto Don Ricardo de Fingoi, que vén desenvolvendo ao longo deste ano a asociación cultural co apoio da Consellería de Cultura, Educación e Universidade.

A exposición ‘Don Ricardo de Fingoi’, homenaxe a Carballo Calero por serlle dedicado o Día das Letras Galegas do presente ano, chegou hoxe martes, 13 de outubro, ao IES Perdouro de Burela (Lugo), onde foi presentada ás 10:40 e ás 12:00 horas a dous grupos de alumnos do centro.

A exposición ‘Don Ricardo de Fingoi’, homenaxe a Carballo Calero por serlle dedicado o Día das Letras Galegas do presente ano, chegou este luns, 5 de outubro, ao Centro de Interpretación da Mariña (CENIMA), en Foz (Lugo), onde foi inaugurada coa colaboración do concello focense.

Por térselle dedicado o Día das Letras Galegas de 2020 a Ricardo Carballo Calero, o Colectivo Egeria –co patrocinio da Xunta de Galicia, e a colaboración da Real Academia Galega e o Colexio Fingoi- ten publicado o libro DON RICARDO DE FINGOI, de Xulio Xiz, que reflicte os quince anos lucenses do profesor e escritor, a súa incidencia na sociedade lucense, e a influencia de Lugo e dos lucenses no inesquecible persoeiro que toda Galicia honra.