Foi presentado no IES de Becerreá (Lugo) o proxecto-homenaxe "OS NOVE ANOS DE FRAGUAS EN LUGO". Ao acto asistiron Antón Bao en representación do centro educativo, e o presidente do Colectivo Egeria, Xulio Xiz.

Foi presentado no Concello de Cerdedo-Cotobade (sede de Carballedo) o proxecto-homenaxe "OS NOVE ANOS DE FRAGUAS EN LUGO". No acto participaron o Secretario Xeral de Política Lingüística, Valentín García, o alcalde de Cerdedo-Cotobade, Jorge Cubela, os sobriños de Antonio Fraguas, Avelino e José Carlos Martínez, e o presidente do Colectivo Egeria, Xulio Xiz.

O xoves 24 de outubro tivo lugar no Centro Galego de Santander a presentación da exposición MANUEL RODRÍGUEZ LÓPEZ, sobre a vida e obra do escritor de Paradela. Ademais, presentouse o libro "Manuel Rodríguez López, 25 anos despois", que recolle traballos de 50 personaxes destacados da cultura galega sobre a figura de Manolo Rodríguez. No devandito acto participaron o presidente do Centro, José Antonio Otero, o concelleiro do Concello de Santander Victoriano González e o director de GaliciaDigital (Antonio Giz).

Coincidindo coa celebración das festas das San Lucas, o pasado sábado 19 de outubro foi inaugurada a exposición "800 anos da Catedral de Mondoñedo" no propio templo, nunha celebración que contou coa presenza da Alcaldesa de Mondoñedo, Elena Candia, o Conselleiro de Cultura e Turismo, Román Rodríguez, o Bispo da diocese de Mondoñedo-Ferrol, Monseñor Luis Ángel de las Heras, o Arcebispo de Santiago, Monseñor Barrio, o Bispo de Lugo, Monseñor Carrasco Rouco, e o anterior Bispo de Mondoñedo-Ferrol, Monseñor Sánchez Monge.