Foi inaugurada no Santuario de Nosa Señora do Corpiño (Pontevedra) a exposición "350 ANOS DA OFRENDA DO ANTIGO REINO DE GALICIA A XESÚS SACRAMENTADO NA CATEDRAL DE LUGO", con motivo de terse cumprido en 2019 os trescentos cincuenta anos do inicio do proceso que xerou a Ofrenda anual que seguen facendo en Lugo cada infraoitava do Corpus as cidades da Coruña, Lugo, Ourense, Mondoñedo, Betanzos, Santiago e Tui, capitais do Antigo Reino de Galicia.

Ás 11.30 horas do venres 6 de marzo tivo lugar no Edificio Administrativo da Xunta de Galicia en Lugo a inauguración da exposición Galicia en Foco que organiza o Club de Prensa de Ferrol. No acto participaron Xulio Xiz,  presidente do Colectivo Egeria e do Grupo Fonmiñá, Xulia Díaz, presidenta do Club de Prensa de Ferrol e Marta Barreiro Castro, Delegada territorial da Xunta de Galicia en Lugo. Incorporouse posteriormente a Conselleira de Educación, Universidade e Formación Profesional, Carmen Pomar, á que a Xulia Díaz acompañou na visita á exposición.

Chega á Casa do Concello de Ortigueira (A Coruña) a exposición "800 anos da Catedral de Mondoñedo", unha mostra itinerante que consta de 12 paneis en galego e castelán, impulsada pola diocese de Mondoñedo-Ferrol, patrocinada pola Xunta de Galicia, e realizada polo Colectivo Egeria. Dirixida por Pedro Díaz Fernández, Ramón Otero Couso e Félix Villares Mouteira, está previsto que nos próximos meses siga percorrendo diversos lugares dentro da diocese.

800 anos da Catedral de Mondoñedo

Foi inaugurada na igrexa parroquial de Lalín a exposición "350 ANOS DA OFRENDA DO ANTIGO REINO DE GALICIA A XESÚS SACRAMENTADO NA CATEDRAL DE LUGO", con motivo de cumprirse neste 2019 os trescentos cincuenta anos do inicio do proceso que xerou a Ofrenda anual que seguen facendo en Lugo cada infraoitava do Corpus as cidades da Coruña, Lugo, Ourense, Mondoñedo, Betanzos, Santiago e Tui, capitais do Antigo Reino de Galicia.