Foi presentado no Pazo de San Roque o proxecto-homenaxe "OS NOVE ANOS DE FRAGUAS EN LUGO". Ao acto asistiron o Secretario Xeral de Política Lingüística, Valentín García, as deputadas do Parlamento Galego María Antón e Sandra Vázquez, os membros do Centro Ramón Piñeiro Armando Requeixo, Luis Alonso Girgado e Ramón López Vázquez, e o presidente do Colectivo Egeria, Xulio Xiz.

Este martes 17 de setembro tivo lugar no Lar Gallego de Sevilla a inauguración da exposición MANUEL RODRÍGUEZ LÓPEZ, sobre a vida e obra do escritor de Paradela. Ademais, presentouse o libro "Manuel Rodríguez López, 25 anos despois", que recolle traballos de 50 personaxes destacados da cultura galega sobre a figura de Manolo Rodríguez. No devandito acto participaron varios directivos do Lar Gallego de Sevilla, entre os que se atopaba o seu presidente, Alfredo Otero, ademais do director de GaliciaDigital (Antonio Giz).

Hoxe foi presentado na Casa da Cultura de Vilalba o proxecto-homenaxe "OS NOVE ANOS DE FRAGUAS EN LUGO". Ao acto asistiron a alcaldesa de Vilalba, Elba Veleiro, e o presidente do Colectivo Egeria, Xulio Xiz.

Foi aberta na delegación territorial da Xunta en Lugo a exposición "350 ANOS DA OFRENDA DO ANTIGO REINO DE GALICIA A XESÚS SACRAMENTADO NA CATEDRAL DE LUGO", con motivo de cumprirse neste 2019 os trescentos cincuenta anos do inicio do proceso que xerou a Ofrenda anual que seguen facendo en Lugo cada infraoitava do Corpus as cidades da Coruña, Lugo, Ourense, Mondoñedo, Betanzos, Santiago e Tui, capitais do Antigo Reino de Galicia.