Foi inaugurada na igrexa de Santa María A Real do Cebreiro a mostra itinerante “O FIN DO CAMIÑO”, organizada polo Colectivo Egeria, e que conta co patrocinio da Xunta de Galicia a través do programa “O teu Xacobeo”. Deste xeito, o proxecto chega ao final da súa primeira fase, na que a exposición percorreu o Camiño Francés en sentido inverso, desde Santiago de Compostela ata O Cebreiro.

Chega á igrexa parroquial de Ribadeo (Lugo) a exposición "800 anos da Catedral de Mondoñedo", unha mostra itinerante que consta de 12 paneis en galego e castelán, impulsada pola diocese de Mondoñedo-Ferrol, patrocinada pola Xunta de Galicia, e realizada polo Colectivo Egeria. Dirixida por Pedro Díaz Fernández, Ramón Otero Couso e Félix Villares Mouteira, está previsto que nos próximos meses percorra diversos lugares dentro da diocese.

800 anos da Catedral de Mondoñedo

A exposición ‘Don Ricardo de Fingoi’, homenaxe a Carballo Calero por serlle dedicado o Día das Letras Galegas do presente ano, foi presentada hoxe na Facultade de Filosofía e Letras da Universidade de Santiago de Compostela, onde permanecerá ata o vindeiro luns. Ao acto de inauguración asistiron Marcelino Agís, decano da Facultade; Valentín García, Secretario Xeral de Política Lingüística; Xulio Xiz, presidente do Colectivo Egeria, e un grupo de alumnos e alumnas do centro.

A exposición ‘Don Ricardo de Fingoi’, homenaxe a Carballo Calero por serlle dedicado o Día das Letras Galegas do presente ano, foi presentada hoxe no IES Rosalía de Castro, en Santiago de Compostela, onde permanecerá ata o vindeiro luns. Ao acto de inauguración asistiron Xabier Mouriño, director do centro; Valentín García, Secretario Xeral de Política Lingüística; Xulio Xiz, presidente do Colectivo Egeria, e un grupo de alumnos e alumnas do centro.