Foi inaugurada no IES Xograr Afonso de Sarria (Lugo), a mostra itinerante “Aquela nena de Sarria”, un proxecto desenvolvido polo Colectivo Egeria para dar a coñecer a figura de Xela Arias, a quen se dedica este ano o Día das Letras Galegas, e que conta co patrocinio da Consellería de Cultura, Educación e Universidades da Xunta de Galicia, e a colaboración do Concello de Sarria e a Real Academia Galega.

Onte, na Casa da Cultura de Sarria, comezaron os actos de homenaxe a Xela Arias, sarriá á que se lle dedica este ano o Día das letras Galegas.

Participaron Valentín García, Secretario Xeral de Política Lingüística da Xunta de Galicia, ao que acompañou o Delegado Territorial da Xunta en Lugo, Javier Arias; o Presidente da Real Academia Galega, Victor Freixanes, e por parte do Concello de Sarria,  o Alcalde, Claudio Garrido e a Concelleira de Cultura,  Reyes Abella.

Foi inaugurada no Centro Cultural Recreativo do Saviñao (Escairón, Lugo) a mostra itinerante “O FIN DO CAMIÑO”, organizada polo Colectivo Egeria, e que conta co patrocinio da Xunta de Galicia a través do programa “O teu Xacobeo”. Asistiron ao acto Enrique Sampil, presidente do Centro Cultural, que estivo acompañado por outros membros da xunta directiva da entidade, e Xulio Xiz, presidente do Colectivo Egeria.

Foi inaugurada na Casa da Cultura do Concello do Corgo (Lugo) a mostra itinerante “O FIN DO CAMIÑO”, organizada polo Colectivo Egeria, e que conta co patrocinio da Xunta de Galicia a través do programa “O teu Xacobeo”. Asistiron ao acto Felipe Labrada, Alcalde do Concello do Corgo, e Xulio Xiz, presidente do Colectivo Egeria, acompañados doutros membros do persoal municipal.