Egeria,tamén chamada Eteria, Ætheria ou Etheria, e mesmo Arteria ou Geria, foi unha viaxeira e escritora hispanorromana do século IV. Suponse que era orixinaria da provincia romana da Gallaecia na diocese de Hispania. Algúns datos sobre os que non parece haber discusión son a súa ascendencia nobre, a súa posición económica acomodada e a súa notable cultura. Nos seus escritos revélase como unha muller de profunda relixiosidade pero tamén de ilimitada curiosidade.

Sábese que visitou os Santos Lugares nunha longa viaxe, entre 381 e 384, recollendo as súas impresións no seu libro 'Itinerarium ad Loca Sancta'. Atravesou o sur de Galia e o norte de Italia; cruzou en barco o mar Adriático. Chegou a Constantinopla no ano 381. De aí partiu a Xerusalén e visitou Jericó, Nazaret e Cafarnaúm. Partiu cara a Exipto en 382, visitou Alexandría, Tebas, o mar Vermello e o Sinaí. Visitou logo Antioquia, Edesa, Mesopotamia, o río Éufrates e Siria desde onde regresou vía Constantinopla. Non hai constancia da data, o lugar e as circunstancias da súa morte.

Máis información