Cando o Partido Popular lle encomendou a Egeria traballar na organización e contidos dunha homenaxe de lembranza de Paco Cacharro, consideramos o encargo como unha responsabilidade e unha honra.
Dábase por feito que nós sabiamos o que había que facer en relación co persoeiro desaparecido fisicamente hai dez anos, pero a sensación que temos os que procuramos seguir os aconteceres da vida nesta terra é que a memoria colectiva é fráxil, e o esquecemento vai levando nomes, datas e feitos… varridos por outros nomes, datas e feitos que loitan por conseguir protagonismo, á súa vez fugaz.
Así que empezamos a traballar. En primeiro lugar, analizamos a conversa de unha hora que Tonina Gay mantivo con Paco Cacharro no San Froilán de 1994, naqueles primeiros tempos de Televisión Lugo. O seguinte paso foi falar coa familia. Carmen, a matriarca; Paco, Carmen e Juan, os fillos; e Juan e Rebeca, os netos. Que nos falaron dun Cacharro diferente.
Seguimos adiante. E cando Paco, hai corenta e un anos mencionaba un tema, buscamos un especialista que sabía dese tema; e cando a familia fala de amigos que o axudaron, xente que sempre estivo aí, compañeiros de viaxe, amigos ou non tanto… seguimos o fío, e acudimos a esas persoas… e algo máis de medio cento axudaron a que esa lembranza viva se manifeste de xeito efectivo.
Con todos estes materiais, preparamos os distintos elementos que compoñen este proxecto: o libro que hoxe presentamos; unha web que engloba todo este material, e que seguirá recollendo lembranzas súas no futuro; un vídeo, breve pero vibrante, e unha exposición que na entrada deste auditorio fai entrar polos ollos a lembranza de Paco Cacharro.
Sen dúbida, polas súas obras os coñeceredes. E así, moitísimas cousas nos falan hoxe, do xeito máis expresivo, de Francisco Cacharro Pardo.
- Data
- Novembro de 2025
- Colaboramos con
- Partido Popular de Lugo
- Tarefa
- Edición e publicación do libro
- Confección de exposición Itinerante e folleto informativo
- Desenvolvemento web
- Vídeo-homenaxe
- Materiais
- Ver libro
- Ver Exposición Itinerante
- Ver web
- Ver vídeo