En Begonte levamos medio século facendo cultura arredor dese motor espiritual e material ao que demos en chamar “Belén Electrónico”.

Non é que coidásemos que o belén non era abondo como iniciativa para acadar un lugar no mundo, senón porque entendiamos que ese belén precisaba unha contorna axeitada para que brillase máis forte e soase máis lonxe, e eses froitos culturais fosen un aval que lle abrise todas as portas.

E houbo certames de literatura e narrativa, de ornamentación nadaleira, de panxoliñas, de medios informativos, de debuxo infantil, de arte… e este medio século amplo transcorrido foi seleccionando un conxunto de concursos que superaron todo tipo de dificultades.

Presentamos aquí os poemas en galego premiados no Certame de Begonte nesta que puidesemos chamar primeira etapa, só delimitada por esta publicación que obriga a un “punto e seguido” na historia do certame, e xa escrita de xeito indeleble na memoria do belén.

Data

Decembro de 2025

Colaboramos con

Centro Cultural José Domínguez Guizán

Xunta de Galicia

Tarefa

Edición e publicación do libro en galego

Edición e publicación do libro en castelán

Materiais

Medio século de poesía en galego

Medio siglo de poesía en castellano