Lugo e Láncara acolleron, do 5 ao 7 de novembro de 2026, as II Xornadas Anuais de Pensamento Galego, dedicadas á figura de Ramón Piñeiro e á súa contribución ao pensamento, á filosofía e á lingua galega. A iniciativa reuniu a especialistas e investigadores nun programa que combinou intervencións académicas, actividades culturais e percorridos por espazos relacionados coa vida do intelectual lucense.

As II Xornadas Anuais de Pensamento Galego foron promovidas e organizadas por Egeria e Brandán Comunicación, contaron co patrocinio da Xunta de Galicia e do Concello de Lugo, e coa colaboración da Universidade de Santiago de Compostela, a Sociedade Interuniversitaria de Filosofía, a Biblioteca Provincial de Lugo, Editorial Galaxia, a familia de Ramón Piñeiro, o Centro Ramón Piñeiro, a Real Academia Galega, a Fundación para o Desenvolvemento Humano e Social de Galicia (Fundehsga) e a Fundación Serget. A coordinación científica correspondeu a Marcelino Agís Villaverde, Agustín Dosil Maceira, Miguel Ángel Martínez Quintanar e Xulio Xiz Ramil.

As xornadas comezaron o xoves 5 de novembro na Casa do Concello de Lugo, coa inauguración a cargo da alcaldesa, Elena Candia, e a presentación da exposición «Eu, Ramón Piñeiro» e da web ramonpineiro.gal. A primeira sesión incluíu intervencións sobre a dimensión familiar, académica, filosófica, política e intelectual de Ramón Piñeiro, a cargo de Grial Parga, Henrique Monteagudo, Rocío Carolo Tosar e Siro López Lorenzo.

O venres 6 desenvolveuse unha ruta polo Lugo de Ramón Piñeiro, guiada por Beatriz García Turnes, que percorreu distintos espazos vinculados á súa vida. Pola tarde, a Casa do Concello acolleu novas sesións académicas, con conferencias de Valentín García Gómez, Armando Requeixo, Miguel Ángel Martínez Quintanar e Beatriz García Turnes, centradas no pensamento, a lingua e a vixencia da figura de Piñeiro. A programación completouse coa presentación do libro Manuel Regueiro Tenreiro: Filosofía e lingua e a conferencia de clausura «Ramón Piñeiro, filósofo», impartida por Marcelino Agís Villaverde.

Finalmente, o sábado 7 de novembro celebrouse en Láncara un percorrido polos lugares vinculados á vida de Ramón Piñeiro, guiado por Agustín Dosil Maceira, que incluíu a súa casa natal, a escola e outros espazos significativos.

Data

Novembro 2026

Colaboramos con

Xunta de Galicia

Concello de Lugo

GaliciaDigital

Universidade de Santiago de Compostela

Sociedade Interuniversitaria de Filosofía

Biblioteca Provincial de Lugo

Editorial Galaxia

Familia de Ramón Piñeiro

Centro Ramón Piñeiro

Real Academia Galega

Fundación para o Desenvolvemento Humano e Social de Galicia (Fundehsga)

Fundación Serge+

Tarefa

Coordinación do proxecto

Organización das xornadas

Creación da exposición itinerante

Materiais

Descargar folleto (PDF)

Máis Información

Web Eu, Ramón Piñeiro

Ver exposición en Museo Virtual Egeria