O 27 de outubro de 1935 foi para a cidade de Lugo unha data histórica. Comezou a funcionar a emisora E.A.J. 68, Radio Lugo. E a cidade entrou nun mundo diferente, no señorío do Son, da Palabra e da Música. O éter comezou a poboarse de sons. Foi unha revolución sonora que, desde entón, non deixou de evolucionar, de invadir o mundo.

A radio era daquela un fenómeno que estaba invadindo Europa, e polo tanto España, e por fin Galicia.

Se ao comezo foi Radio Lugo en solitario durante trinta e dous anos, e logo apareceu Radio Popular -completando Radio Monforte o panorama radiofónico provincial-, produciuse logo a explosión das novas frecuencias para emisoras, que enriqueceu definitivamente a nosa posibilidade de elección.

A radio nas nosas vidas foi cada vez máis presente. Cada vez máis activa, foron tendo e teñen presenza e vida na nosa cidade Radio Nacional de España, Radio Galega, Radio Voz, Onda Cero... coas súas emisoras especializadas.

Cumprindo 90 anos na cidade, a Radio é cada vez máis nova e máis viva.

Data

Setembro 2025

Colaboramos con

Grupo Fotocinematográfico Fonmiñá

Xunta de Galicia

Deputación de Lugo

Concello de Lugo

UNED Lugo

GaliciaDigital

Tarefa

Coordinación do proxecto

Desenvolvemento da exposición

Materiais

Ver exposición en Museo Virtual Egeria