Lugopoética 2025 vaise celebrar no segundo semestre de 2025 co apoio da Uned-Lugo e a Xunta de Galicia, e a coordinación de Egeria.

Serán 6 encontros de “parellas poéticas”, e o desenvolvemento será como o da edición de 2024: Os encontros faranse cara ao público na sede lucense da UNED, serán gravados e transmitidos pola UNED pola súa rede de comunicación, e difundidos por Internet.

Serán sesións públicas de arredor dunha hora de duración, coordinadas por Xosé Carlos Ulloa, cada unha cun “contraste” entre creadores, selección do máis destacado da obra de cada poeta, lectura desas obras e xuízo mutuo.

Resultado destes encontros será unha publicación dixital e física: Libro de poesía en galego, con selección de obras dos poetas participantes.

LUGOPOÉTICA naceu en 2024 con vocación de continuidade, e esta segunda edición pretende continuar con estes encontros que reflicten a riqueza e potencial da creación poética nas terras lucenses.

Este ano contaremos coa participación de Claudio Rodríguez Fer, Carmen Blanco, Xesús Rábade Paredes, Helena Villar Janeiro, Xoan Neira, Toño Núñez, Manuel Regal, Xosé Antón Miguélez, Ana Vila Portomeñe, Paco Ledo, Lucía López Cancio, Mar Ferreiro Rozas e Gustavo Díaz Rey.

Data

Outubro-Decembro 2025

Colaboramos con

Xunta de Galicia

UNED Galicia

Tarefa

Coordinación do proxecto

Edición e publicación do libro

Materiais

Descargar folleto (PDF)

Máis Información

Web Lugopoética

Web UNED

Web Xunta